Eto visto Bepi che semo stadi eletti?Ho visto Toni,che cul!Adesso sa femo?Adesso andemo in Consiglio comunale,quando el ghè e femo quel che volemo.Quel che volemo?Si,disemo de SI o de NO a seconda.A seconda de che.A seconda delle convenienze.Se ghè ciucio disemo SI,se non ghè niente da ciuciar disemo NO!Ma come se fa a ciuciar,a ciapar mandole?E te vedarè che te impari,basta che se femo capir e i bessi jarriva volando.E quejaltri sa diseli?Jaltri chi?Quei del partito,della coalission.Jaltri i tase,i tase tutti,non i vede e non i sente niente,parchè i magna anca lori.Ma non elo mia abbastansa quel che ciapemo de paga,de gettoni de presenza e tutte le altre robe che ghemo gratis?Non sta far el nane,quela l'è robetta.ghe vol i schei veri,tanti.I stipendi j 'è solo par farse la boca.Te arè che belo.E se i ne ciapa?Chi vuto che ne ciapa,basta far muci e non ne ciapa nissun!Ma la Magistratura la indaga,la Finansa la vol saver!Eh,eh, quante robe.Intanto muciemo,un bel poca de grana,pò se i ne ciapa,quando sarà, vedaremo.Eto mai sentì nissun de quei che ha fatto la gresta,e che greste,che ha fato imbroi e scondiroti sia andà in galera?Processi e soraprocessi,ma la galera mai.E i schei alla fine i ghè restadi in berta!Ma l'ONOR,jè restadi sensa onor!Ma chi se ne frega oramai dell'Onor.L'onor ormai l'è come la verginità.Non la val più niente gnanca quela,gnanca tra le moneghe,immaginemose l'onor!Le palanche jè quele che conta,non l'onoro!L'ONOR l'è roba da pitochi,da morti de fame,da gente con le pesse nel cul,credeme.Va ben Toni,te m'è convinto.quando cominsiemo?Subito,de paca,sensa perdar tempo,prima che cambia l'aria politica.Te se,con quei slandroni che gira,jè boni de torte la carega da sotto el cul in un batar d'ocio,sensa che quasi te te ne accorsi.Vien,andemo,femo in pressia che non se sa mai!
Nessun commento:
Posta un commento