I CIRCOLI PER "ANZIANI".anticamera d'obitorio.

CIRCOLO PER ANZIANI,DI QUARTIERE. I me fa tristessa.Ma che cassade ele?Voli farne capir che semo veci e metarse da parte?Ci ei quei che sa inventà sta roba qua.Essar veci non vol mia dir de essar insemenidi.E i'organizza "divertimenti" per ansiani.La tombola,la pesca,i baletti e le sonade par veci.Ma semo mati che ghe vaga?Voli sepelirne prima del tempo?"CIRCOLI DI QUARTIERE,di aggregazione per tutti!".Questo i doaria far.Parchè ghe femo schifo ai soeni?Gai mia da imparar qualcossa da noialtri?Parchè uno da sesanta,o setanta non galo niente da insegnarghe a uno da trenta o quaranta?Sai tuto lori,i soeni?Parchè nelle scole ghè i maestri che più veci l'è meio l'è?Parchè i gà da insegnarghe ai butei e alle butelete.Noialtri sa semo,solo da babio?I vol farnelo capir che secondo lori,queli del Comune,che non contemo più niente.E magari quei che l'ha fatti sti "circoli",iè veci come el cuco!Ma lori ciò,iè in Politica.Lori non iè mai veci parchè iè in politica!Ma ch'ei vaga a farse ciavar.Lori non i vien miga a far i sugheti semi e le feste da ricoaro.Loro i vien solo,quando l'è ora de elessioni.Furbi era?I vien farse propaganda par ciapar voti,par tirarne nel rocolo.Politici soeni che vol diventar veci in politica,e politici veci che vol restarghe."FAREMO,FAREMO" i te dise, se te ghe domandi qualcosa.E sa fai?Passade le elessioni ,ciapà i voti,se la te va ben,i te da un contentin.Un sucarin come ai bociassa,come ai mussi.La TOMBOLA,la pesca con primo premio viajo a LOURDES!Ma ch'ei vaga in mona!Bisogna unir el quartier,soeni e veci. E pò, uno o una a sessant'ani elo vecio ,una a sesant'ani ela vecia?Ma se i seita a dir un "GIOVANE di QUARANT'ANNI,una GIOVANE DI QUARANT'ANNI"!E a sesanta semo scarampii? Dighe che i vaga a sugar a TOMBOLA lori invesse ,i POLITICI che vol dirghe veci ai altri.che i vol tratar i'ansiani come bocia deficienti!Ciò e,semo in pension,ghe stemo su le bale,ciapemo schei sensa far niente,secondo lori,Lori non iè mai stufi de ciaparghene però.I tira la pension e anca el stipendio da assessor,da consiglier,lori!Meteghe roba moderna nei "CIRCOLI PER ANZIANI".Via el nome ANZIANI,metighe solo CIRCOLO DI QUARTIERE.Metighe soeni che insegna a doparar le robe moderne ai veci.Come se usa el COMPIUTER,internet.Come se programa la Tilivision,che l'è sempre più complicada la facenda.Ne toca ciamar ogni volta el TENICO,ogni olta che se schissa un boton sbaglià. E sò schei!Che i ghe insegna ai veci come se usa ste diaolade moderne.I veci i ghe insegnarà quel che i sa e che i soveni de ancò non i sa mia.Come se pianta un ciodo,come se taca un boton,a far le paparele,i gnochi!Andemo ala pari no?E for dei cojoni,politici,assesori,assistenti sociai.Te pol imaginar, l'asistente sociale me insegna come vivar.Caso mai la me aiutarà a compilar la carta par el susidio,no come vivar e cosa far par passarme via!