La vecia ALBARA l'è ancora lì.Un miracolo.Ma vissin i gà costruido una villeta.De quele moderne.Non se podaria andarghe a la posta dei TORDI come nà olta.L'è segnà dal fulmine,par tutto el tronco.Cissà quanti ani fa,l'è stà.Ciao ALBARA,te ricordito de mi?"Certo che me ricordo.Te si veniù tanti de quei ani a imbalinarme i rami,vuto che non me ricorda?"Te eri una bela posta ALBARA.Proprio in ponta ala collina e sotto el bosco fin a vale.Appena scominciava a far ciaro,i merli e i tordi i venia da ti.E mi poco distante,con el cor che batea,el sol a le spale e quatro frasche davanti,sconto.Sconto a tirar oci e rece.Appena sentio el cicar del tordo,me batea el cor ripeto,e tiravo el fià,par non far casin.Eco,me par de sentirlo,ecolo l'è anda tra quele rame più in alto.Casso nol vedo mia ben,inutile sprecar na sciopetada.El me va via e magari spaento qualchedun altro che le drio rivar.Ecolo,ecolo là!Bam!L'ho ciapà.Coro fora in pressia dal casoto,lo togo su e torno indrio.Che belo,l'è un tordo da cipo.Eco,un'altro.Bam!ciapà anca questo.Taco na cica,son contento.Du tordi in poco tempo.Stamatina la par quela bona!CIò-ciò.Siti!El Merlo!Bam !Ciapà!A la va ben la va ben.El sol se alsa.Cominsia a scaldar l'aria.Meio che magna el paneto.E al vecio,me pare,in un altro posto,sento metri distante,non ghe vien niente?BAM!L'è stà me pare.Son curioso,vao a vedar.Le là che l'ostia."L'ho ciapà"el me dise,ma le cascà nel roejo de spine,non son bon de troarlo !"Sta lì,vecio,ghe penso mi.Sta atento alla rame ti,se no non ghe ne ciapemo più.Ecolo qua!L'ho trovà.L'è un Cipo."Ghe do l'osel e torno all'Albara.Casso ghe n'era du in sima!Adesso iè scapadi.Eco,la in meso.Bam!Ostia el m'è andà via.Un'altro,BAM.Merda!L'è andà via anca questo. Massa foie. Meio che taca n'altra cic......Bam!Ma ti t'ho ciavado sta olta!Iè le ondese,fa abbastansa caldo.Ansi massa.Non i se moe più ormai,fin a sera.Meio andar a casa.Vegnaremo doman.Ciao ALBARA.Veniemo doman."Vegnì vegnì.Schei e osei,fin che ghe n'è,ciapei! "Così me dise l'Albara.Vecio andemo,mi ghe n'ho ciapadi nove e ti?Cinque!L'è andà ben ancò.Almanco na olta nella stagion.Ciapemo su la machina e tornemo a casa.Tuto questo me passa par la testa,intanto che sto davanti l'ALBARA.Ciao ALBARA vo via.Saludame i TORDI e i MERLI quando t'ei vedi.Adesso non ghe romparà le bale più nessun,dighelo." Ma,la dise l'ALBARA,setto na roba?Adesso che non te vien più a tirarghe,adesso che anca non se pol più tirarghe,non vien più tordi,solo qualche merlo spaiso,ciare volte.E proprio cambià i tempi.Quando te ghe tirai le sciopetade i vegnea par dispeto,adesso che i podaria star chieti,i vien solo ciare olte.Va a capir anca i'osei ti!Comunque ciao,se vedemo ancora era?".
Nessun commento:
Posta un commento