Quatro scancanadi mona che non ga schei par pagarse avvocati boni.I soliti mona che paga par tuti quei altri.Gente che ha copà so mare,so pare,la so fameja,solo parchè ià fato notissia e vendar giornai,trasmissioni in tilivision,quei i vien fora! Ludwig,Maso,la butela che a massà so mare e el fradelin,queli i vien fora.Quei jè sa fora!E i fa anca i schei!I ghe trova un laoro!Ma semo mati?Adesso anca la FRANZONI l'ha domandà un permesso!Ciò ìè tri ani che l'è in galera.Massa!Intanto so fiol l'è de più che l'è soto tera! E ci ha robà miliardi,ciavando la pora gente?Niente galera par quei!Schersemo?I gà i schei sconti quei.Ci roba un graspo de ua,un pomo,quelo va in galera!Parchè ?Parchè l'è semo!El podea robar de più,el podea combinarghene de più grosse,da finir sui giornai.Te arè alora che nol ndava mia al settantanove.Ansi! In Italia oramai non se capisse più niente.Ci peso fa,meio le tratà.LA LEGGE E' UGUALE PER TUTTI!L'è scrito in tribunal.Sto par de bale digo mi!Ghè d'averghe paura ancò, a combinar una sempiada.Se non te copi almanco tutta la fameja,sta sicuro che la galera te te la ciuci tuta!E dopo i dise che ghè la giustissia.Ma quale giustissia!La giustissia par i soliti mona,quela si!
Nessun commento:
Posta un commento