VORIA CANTAR VERONA.

Voria cantar Verona,ma invesse son stonà.Voria cantar Verona ma el tempo l'è passà.Non se pol più,cantar Verona ,come fasea el BERTO,non ghè più Verona,ghè soltanto ormai deserto." Oh ma se ghè pien de gente,ma sito dificente?" Non te te sbagli mia,ma dò ela ,e non fo mia a posta,la vecia gente nostra?Croati e marochini,indiani e beduini,coi mori sempre in piassa,la gente veronese se conta su na man.Resta seradi in casa,le vecie e i veceti,nianca più buteleti,sò a giardini i stà.Col stofego che ghera,questa passada istà,nessun se ardegava all'ombria un poco star.Massa imbriagoni,collegadi sulle banchete,massa sengali in giro la sera,par vicoli e vicoleti.Tuto un parlar foresto,sensa capir parola,cossa vuto che i faga i veci in sto gran casin.Proa a ciapar el pulman,el bus o la filovia,te arè che pien de gente che non l'è mia mia.E mi pago el biglieto,lo pago anca par lori,che i sta sentadi sempre, se ghè un vecio in piè.Ma guarda VERONETA cossa ll'è diventada.L'è tuta un gran Bazar.Ghe anca i cinesi,in tutta PIASSA ERBE.Da rento quei casoti,i vende bataria,do ela andà a finir tuta la gente mia.E anca i Veronesi,nianca più i se sente.Non sento più el me dialeto parlar.Tuti i parla in chicara,non i vol più farse sentir in veneto discorar.Ormai le parlar greso,i dise tuti quanti,mejo parlar talian,el fa parer più brai.Anca tuti i bociassa,anca quei col pissotto al sol,i parla strambo.Tute parole mericane i vol soltanto dir.Così el veronese lo parlo solo mi.Se te proi andar in giro un pochetin na sera,te arè che facie da galera.Proa a San NAZAR o via VENTI SETTEMBRE,te convien girar i tachi,e a slongar le gambe.Iè proprio dappartuto,jè come un'invasion,tei trovi in ogni buso,anca fora dal porton.Se pò te ghe jè in casa,proprio sulle scale,dime che come la va,se non te vien le bale.I me dise son rasista,vecio inbalonà,ma non i capisse niente de quel che lè stà.I pischerli de ancò non i pol mia saver,come l'era la VERONA de qualche tempo fa.Adesso jè lori i paroni,indiani e bantù,croati e sacrementi de qualche altra tribù.E nianca no i te caga.Te si ti vecio de VERONA che te stè sui totani.Non lori, avio capìo?Alora appena posso vò lassù in colina,sora a San Sen in Monte,o ala Fontana de Fero,sperando non ghe ne sia anca lì.Ma lì non ghe nissun.Nianca un Veronese,soltanto i capari e le poche sese che ghè restà.Me sento un pò par tera,guardando el panorama,pensando "MA CHE BELA,LA VECIA ME VERONA".Bela si,ma solo da distante ormai.Voria cantar Verona,ma el tempo le passà,voria cantar Verona,ma son restà ciavà!