FANTASMI VERONESI.

Ciao Isavire,anca ti qua?Ciao Oreste,ero stufo.L'era sinquant'ani che ero nel calto,gaveo voja de vedar come l'è adesso.Anca mi!L'è tuto cambia era Oreste? Si massa e me par in peso.Mi son andà a vedar la me vecia casa.Non ghè più nessun dei mei,je tutti ai du leoni.Lì da noialtri.Nol saveo gnanca.E' restà solo un me neodo,ma poareto l'è restà solo.Non me son fato gnanca vedar par non spaentarlo.Eto visto le done adesso Oreste?Va ben che l'è istà,ma brassi fora,tete fora,gambe fora.Tuto fora.Anca le vecie.Che tempi balenghi.E le auto che ghè.Gnanca un careto col caval,col musso.Tutti attressi de fero,che core come mati!Bisogna star tenti a traversar la strada.I te copa un'altra olta,anche se semo sa morti!Beh,sa dito Isavire se andemo a bea un goto?Dove Oreste,non ghè piu ostarie,l'unica che credeo restà,el PERO D'ORO l'è na trattoria e non i serve vin al banco.Bè alora,andemo al bar,i ghe l'avarà un gosso de vin.Ndemo! Bongiorno,un quarto de rosso e du goti,par piaser."MI DISPIACE SIGNORE,SERVIAMO SOLO VINO SFUSO IN CALICETTI!"Va ben alora,du "CALICETTI" de rosso.Ma sa ei sti calicetti.Non ghè più goti?No Isavire.Adesso i te da dei bicerini che vien da ridar.Ai nostri tempi,con du goti,te fasei un quarto.Adesso ghe ne vol tri e tei paghi anca de più.Va ben,va ben,basta che el vin sia ancora vin.Casso eto visto Oreste,tre euri,i schei che ghè adesso,par do ombrete che gnanca le te bagna el beco,je deventà anca ladri sti osti moderni.E po dime,Oreste,non me par gnanca de essar a VERONA.I parla tutti in chicara,nessun che parla dialeto,o me sbaglio?No ,no,non che te te sbagli Isavire,la moda l'è così adesso.E po non te vedi quanti Ascari ghè in giro?Emo perso un'altra guera? Ghe pien de mori,e anca de altri colori.Sento parlar strambo,done nude e done con el vel e le cotole in fondo ai piè.Ma te ridomando,semo sicuri de essar a VERONA?Certo Isavire,solo che è cambià tuto!L'è tuto un Casin adesso.Tel digo parchè l'è sa un altra olta che ho fato un giro "fora" e son un poco abituà a sti cambiamenti.Beh,Oreste,grassie del goto,ma mi non me trovo ben ,me sento spaesà,anca se semo nella me Piassa Isolo.Meio che torna nel calto,son più chieto lì e non vedo sti spegassi!Ciao Oreste,magari tra altri sinquant'ani.Ciao Isavire,e sta atento par la strada,atension a le machine.Mi vegno dopo,guardo ancora un poco de spose in mudande che passa,questo me fa piaser.Ciao.